بابراعظم کو آؤٹ کر کے معذرت کیوں کی؟ شاہین شاہ آفریدی نے وجہ بتا دی
بابر دنیا کے نمبر ون کھلاڑی ہیں،انہیں آؤٹ کرکے لگا کہ انکی وکٹ کا جشن نہیں منانا چاہئے،اسی لیے میں نے جا کر انہیں ’سوری‘ کہا
کراچی (اردو پوائنٹ تازہ
ترین اخبار ۔ یکم مارچ 2021ء ) پاکستان سُپر لیگ 6 میں شائقین میچ میں کرکٹ کے علاوہ جوش و خروش قائم رکھتے ہوئے سینئرز
کی عزت، مختلف اشارے بازیوں، شرارتوں اور منفرد انداز سے لطف اندوز ہوتے ہیں ۔ کراچی کنگز اور لاہور قلندرز کے میچ کے دوران بھی ایسا ہی ایک منظر دیکھنے میں آیا
کہ جب قومی ٹیم کے ٹاپ سٹرائیک بائولر اور قومی ٹیم کے کپتان کا آمنا سامنا ہوا۔
لاہور قلندرز کے شاہین شاہ آفریدی کا کراچی کنگز کے بابراعظم کو کلین بولڈ کرکے گلے لگانے اور معذرت کرنے
کے خوبصورت منظر کو شائقین نے میچ کا بہترین لمحہ قرار دیا اورشاہین آفریدی کے
کپتان کو عزت بخشنے کے اقدام کو سراہا۔
شاہین شاہ آفریدی کی
جانب سے سینئرز کیلئے ایسے رویے کی گونج بھارت میں بھی سنائی دی۔ بھارتی مداح بھی بابراعظم اور شاہین آفریدی کے درمیان اس
خوبصورت منظر سے لطف اندوز ہوئے۔